FA'ALAUILOA LE SE'I A LE VODAFONE MO LE IPU O LE LALOLAGI
Ata Pueina: Vodafone Samoa
Ua fa'alauiloa aloaia mai nei e le kamupani telefoni o le Vodafone le latou se'i e maua ai le avanoa e le tagata e toatasi e malaga atu ai i Pale i Farani e maimoa ai ile final po'o le ta'aloga mulimuli o le Ipu o le Lalolagi mo le Lakapi Iuni. 2023, ma o le tau o le pasese o le a totogi uma e le Vodafone.
E mafai ona e auai i le se'i ma maua se avanoa e te ono manumalo ai i lenei faalauiloa, pe a mulimulita'i i laasaga faigofie nei e lua:
Faatau soo se telefoni feavea'i mai i soo se lala a le Vodafone Retail.
Maua tupe i lau M-Tala mai atunuu mamao.
O le a amata lea faalauiloa mai le aso 1 o Aokuso e oo atu i le aso 10 o Oketopa 2023, ma o le o le a manumalo i lenei se'i o le a faasilasila atu i le aso 12 o Oketopa 2023.
O lea faamoemoe o se polokalame na galulue vaavaa lua ai le Vodafone ma le Lakapi Samoa i lona taumafaiga, ma o lea ua tino mai.
O le tagata o le a faamanuiaina i lea se'i o le a totogiina uma e le Vodafone lana malaga atu ma le toe foi mai, o le a tuuina atu iai pepa matamata mo finals o le ta'amilosaga, o le a totogi foi e le Vodafone le faletalimalo e nofo ai i totonu o Pale i Farani, ma tauaao iai se seleni mo faatauga e $2000 tala Amerika.
Na taua i se pepa o faamatalaga na tuuina mai e le Vodafone, o lea faalauiloa ua ogatasi lea ma le vaaiga taulai o le kamupani; ia unaia le tutu faatasi o tagata e ala i le faaogaina o itu tau taaloga.
Na taua e le Pule Sili o le Vodafone Samoa ia Rana Bose,"O le Ipu o le Lalolagi o se faamoemoe taua tele lea i le lalolagi o taaloga, ma e matou te mananao ia avea o se faamoemoe e manatua pea e le tagata o le a faamanuiaina i le se'i. Matou te mitamita i le tuufaatasia o lea faalauiloa faatasi ai ma le Lakapi Samoa e faataunuu ai lenei malaga faapitoa."