MOLIA I LAUA NA OSOFAIA LE AH YEN STORE I LOTOPA

Ata Pueina: Facebook

Ua faamaonia mai e le Matagluega o Leoleo o le Aso 7 o le masina nei o le a tulai ai luma o le Famasinoga Faa-Itumalo (District Court) i laua e toalaua sa osofaia le faleoloa o le Ah Yen Store i le Aso Lulu o le vaiaso ua tuana'i atu. 

O le ali'i o Shawn Peters mai i Tulaele (20 tausaga le matua) ma le ali'i o Paul Lolouta mai i Vailoa ma Tulaele (23 tausaga le matua) ua molia nei i moliaga o le fa'ao'o lima (common assault) ma le gaoi (theft).

O le gaioiga faasolitulafono a i laua nei na maua i se meapu'eata (CCTV camera) a le faleoloa, o lo'o iloa ai le taumafai lea o i laua nei e fa'ao'o lima i le tama'ita'i fa'atau'oloa o Lei MJ Fonoti, ma fa'atino ai ni isi gaioiga o le gaoi ma le faomea.

I le nei ata mai i le meapu'eata a le fale'oloa, o lo'o fa'aalia ai nei alii o loo pulouina ni mitiafu; na manino i meapu'eata se tonu o fai i luma ane o le fata e totogi ai fa'atau.

E le'i umi se taimi, ae agai mai le isi ali'i o loo i lona ulu le mitiafu lanu moli i le pito o lo'o iai le fa'atau'oloa ma titina le teine, ae ua tamo'e i fafo le isi ali'i ma ni isi o meatotino.

O le afiafi lava o lea aso, na toe maua uma ai i laua nei ma taofia ai e leoleo.