LEAI NI SI'ITAGA O TAU O PASESE MO TAXI MA PASI

Ata Pueina: Supplied

Ua faailoa mai i se pepa o faamatalaga na tuuina mai e le Pulega o Fela'ua'iga i Luga o le Laueleele le Land Transport Authority (LTA), le leai lea o ni siitaga i tau o pasese e totogiina atu i taavale laupasese laiti po'o taxi, fa'apea ai ma pasi. 

Ua afua lea tulaga ona o loo maitauina pea e le Pulega le le utagia lea e ave taxi ma ave pasi o tau faatulafono o pasese o loo iai nei.

Ua tele foi faasea ma faitioga a le mamalu o le atunuu sa tuuina atu i le Pulega, ona o le overcharge poo le siitia lea o tau o pasese e ave taxi ma ave pasi.

Na fa'ailoa mai foi e le Pulega, e le'i suia tau o pasese mo ia auaunaga e pei ona sau ai lava i le tausaga e 2014.

O lo'o fautuaina foi e le Pulega ia Fale Taavale ma Kamupani Pasi Lau Pasese ina ia usitaia ia tau faatulafono o pasese, ma o le le utagia o lea tulaga o le a ono afaina ai le resitalaina o Faletaavale, Taavale Lau Pasese faapea Pasi Lau Pasese.