Filifilia To'aletai David Tua i le Hall of Fame

To'aletai David Tua

Ata Pueina: HBO

O le susuga ia To'aletai David Tua po'o "The Tuaminator" e pei ona lauiloa ai i le lalolagi, ua filifilia nei i totonu o le Boxing Hall of Fame poo le vasega o ni isi o i latou ua lauiloa i le faatinoga o lea taaloga o le fusu faapolofesa i le lalolagi.

O lea faamoemoe na tuu e faia i le tausaga e 2019. Peitai, talu ai ona o vavao o le koviti-19 na le mafai ai e To'aletai ona auai atu i Amerika e talia lea faailoga taualoa.

O ni isi o i latou ua filifilia faatasi ma To'aletai i le vasega o lenei tausaga e aofia ai Sugar Ray Leonard, Frankie Duarte, Armando Muniz, Pipino Cuevas, Lee Roy Murphy and world-renowned boxing referee Frank Garza., faapea ai ma ni isi iloga i totonu o lea taaloga. 

Na taua e To'aletai i se faatalatalanoaga ma le ofisa faasalalau a le NZ Herald ina ua fesiligia sona lagona i lona maua ai lea o lea faailoga maualuga, "Ou te taliaina lea faaaloalo mo nai o'u tagata faapea ni isi o tama fanau Samoa iloga i le fusu na muamua ia te au. Ana le seanoa i latou ou te le mafai ona ausia le tulaga ua ou iai nei."

Ao fusu ai Tua i le aupaga mamafa, na iloga o ia i le malolosi o an tu'i ma auta ae maise ai lava lana auta tauagavale. Ma e 16 ana manumalo ile tuioti i totonu o le taamilosaga muamua na faamauina e aofia ai ana manumalo i ni isi sa avea ma siamupini o le aupaga mamafa ia John ruiz ma Michael Moorer, faapea ai ma oleg Maskaev ma Hasim Rahman.

E na o le faatasi ona luiina e Tua le fusi o le lalolagi lea na la fetaui ai ma Lennox Lewis i le 2000 ma faiaina ai i ai. Ma e lima faiaina a Tua ao fusu faapolofesa, ma e le oti lava Tua ise tu'i i ia fusuaga uma e lima na ia faiaina ai.

E 59 le aofaiga o fusuaga faapolofesa a Tua, ma e 5 ana faiaina, 52 manumalo, 2 tutusa, 43 ana malo na maua i le tu'ioti. ae iva ana manumalo i ai.

O le Aso Sa o loma nei o le a faia ai le sauniga mo lea faamoemoe.