ILOILOINA E LE DBS TUSI TALOSAGA MO NONOGATUPE $100K

D.B.S

Ata Pueina: D.B.S

O loo iloiloina nei e le Faletupe o Atina'e o Samoa (D.B.S) ia ni tusi talosaga e 20 na tuuina mai e le mamalu o au faipisinisi sa talosaga mo le nonogatupe e o'o atu i le STA$100,000 lea e faapea o se fesoasoani mo nei pisinisi sa galulue lava i taimi o le faama'i Koviti
19.

E tusa ai ma ripoti mai le ofisa o le D.B.S e faapea sa faagataina nei talosaga i Aso Faraile ua mavae atu nei ae nao le 20 tusi talosaga sa
tapa e le ofisa mai Upolu ma Savaii. Tusa ai ma faasalalauga a le ofisa e faapea o lenei talosaga mo nonogatupe e fesoasoani mo nei
pisinisi ina ia mafai ai ona faaleleia tulaga sa aafia ona o le faamai o le Koviti 19.

Sa iai fo'i aiaiga na tuuina mai e le Ofisa o Faletupe o Atinae ina ia saofaga ai tusi talosaga o nei tagata faipisinisi. E tatau ona faalia
se tulaga e faapea na aafia mo'i lau pisinisi i vaitaimi o le faamai , ma e tatau foi ona faailoa pe moni nei tulaga.

O isi vaega sa taua e faapea e tatau ona tagatanuu o Samoa le o loo talosaga , leisi e faapea e 10 pe le lalo mai fo'i ni tagata sa
faafaigaluega e le pisinisi ae e le'i amata ona aafia Samoa i le Koviti 19.

I se faatalatalanoaga i luga o le telefoni ma se sui o le D.B.S, na latou taʻua ai sa tapunia talosaga i le Aso Faraile ma o loʻo vaʻavaʻai nei le ofisa ina ia
 amana'ia ma iloiloina talosaga na tu'uina atu.

"Na tapunia uma talosaga i le Aso Faraile, o lea ua matou iloiloina nei pe ua ausia e le aufaipisinisi aiaiga ma tapulaa e agavaa ai i le
nonogatupe"saunoa le sui o le ofisa.

“O talosaga ua maua mai e le matou ofisa e aofia ai tusi talosaga mai tagata faipisinisi iinei Upolu ma Savaii,” saunoa le sui.

Na maua e le Faletupe o Atina’e le $1miliona le totogi mai le Tala o le Tupe faaletausaga a le Malo mo le tausaga 2022/2023 e tusa ai ma le lipoti faaletausaga.