MALAGA MAI SUI O LE WORLD RUGBY I SAMOA

Ata Pueina : World Cup Samoa / Facebook

O le vaiaso nei o lo'o fuafuaina e taunuu mai ai sui o le "World Rugby" auā sauniuniga mo taaloga o le Ipu o le Pasefika lea e faape'a e talimalo ai Samoa mo le masina o Me. 

O lenei ta'amilosaga ua tā'ua o le "Pacific Challenge Cup" e to'atele ni alii ma tama'ita'i ta'a'alo mai le Pasefika (locals) o le'ā faapea ona tausinio ai mo lenei tausaga. O le 'au a Samoa sa faapea na manumalo fa'alua  i le mā'ea ai o ni taamilosaga e 15 o lenei Ipu. 

Tusa ai ma le saunoaga ia Faleomavaega Vincent Fepulea'i lea e Pule Sili i le Lakapi Samoa , e faapea ua o latou nofo sauni e tali atu i le au malaga a le "World Rugby" i le vaiaso nei.

O lenei feiloa'iga o le'ā feagai ai nei le Malo o Samoa , ma sui o le Lakapi Samoa e suesueina ni vaega e toe fa'aleleia ae le'i amatalia le taamilosaga i le masina o Me 2023.

E le'i fa'ailoaina mai e le Pule Sili ia Faleomavaega ia le lisi o i latou o le'ā ta'aalo mo Samoa , ae o lo'o va'ava'ai ai nei le asosi mo nisi e onomea i lenei taamilosaga. 

Tusa ai ma le Pule Sili , o le filifiliga o tama ta'aalo mo Samoa ua fuafuaina e tofi mai tama ta'aalo maualuluga ma nisi o Samoa o loo aumau mai fafo.

O le alii faiaoga ia Afa Hanipale o le'ā faatautaia nei le 'au lakapi mo sui tama'itai , le 'au o le Manusina. 

I faamaumauga mo atunuu na tausinio i lenei taaloga lakapi faavaomalo talu ona faavaeina, e lipotia ai o le 'au a Fiti ua 9 manumalo , Samoa e 2 , o Toga e 1. Sa faapea foi ona manumalo au na valaaulia e pei o Atenitina ma Iapani.