TAUNUU TUUGA FAUTASI A SAMOA IA MATI
Ata Pueina: Tagaloa Chikara Yoshida , CY Photography Apia Samoa.
Ua fautuaina ele Matagaluega o Leoleo ma Falepuipui e faapea, o le taaloga tuuga fautasi, lea na tolopo mai i le masina o Iulai i le
faaiuga o le tausaga na te’a nei, o le a faia i le masina o Mati o le tausaga nei.
O le Aso Faraile 27 Ianuari 2023 o le a feiloai ai le Komiti o le Tuto’atasi o le 60 tausaga o Samoa , ma sui o lo o fia auai i lenei tauvaga i le Ofisa autu o Leoleo i Apia, o se faaaliga lea a le Matagaluega i le Aso Gafua o le Vaiaso nei.
I se pepa o faamatalaga na tuuina mai e le Matagaluega o Leoleo ma Falepuipui mo le mamalu o le atunuu o le tuuga fautasi o le a aofia ai le tuuga fautasi afa lapopoa e taua o le tulula lea e tusa ai ma le aganuu faasamoa e mo tamaitai faapea ai ma tuuga paopao ma alo va’a.
“O le fonotaga lenei o le a talanoaina ai tapenaga mo tauvaga taitasi i luga o le sami mo le masina o Mati, i le faamanatuina o le 60
tausaga o le Tuto’atasi o Samoa,” Ua ono nei tausaga talu ona le toe faia se tuuga fautasi a le atunuu lea e masani ona tuufaatasi e le
Komiti Faafoe o le Tutoatasi i le vaitaimi o le Teuila i tausaga uma.
E ui i le $60,000 o le faailoga tupe mo le auvaa manumalo, e lei lava le faatosinaina o isi au e agai e lesitala, ona o le puupuu o le taimi
mo vaega e tuufaatasia ai se auvaa. I le masina o Iuni 2022, o le tolopoina o le tuuga na mafua ona o le itiiti o le numera o vaega
fiafia.
Peita’i, o le tausaga e 2017 na tu’ulafoa’i uma ai le ta’amilosaga fautasi ai ma le Aso o le Teuila, ae suia i siva fa’aleaganu’u ma isi
ituaiga o fa’afiafiaga.O le taimi mulimuli na faamanatu ai e Samoa le Teuila Festival o le 2020 ona o le tapulaʻa o gaioiga ona o le
tapunia(lockdown) ai o le atunuu ma le lalolagi ona o tapu ma sa o le faama'i o le Koviti-19
A’o le’i faia lea tulaga na taloina ai se fonotaga a le komiti e fa’apotopoto uma ai vaega ma tagata ta’ito’atasi e fia auai i le tuuga
fautasi. O le fono foi lea mo nisi sa fiafia i tuuga fautasi afa lapopoa ua ta‘ua o le tulula. E silia laititi atu i le 10 tagata na
auai i le fonotaga tapunia ae le'i tapunia faitotoa ia Iuni.
Na saunoa le Palemia, Fiame Naomi Mataafa i le tausaga na tea nei, o se tala fou a le Soa Komiti o le Tutoatasi na fautuaina ai le toe
tolopo o le tuuga fautasi masani ina ia lava le taimi mo tapenaga.