Ua Siitia Le Puipuiga A Leoleo I Le Malae Vaalele Faavaomalo I Faleolo

Malaeva'alele Fa'ava-o-malo i Faleolo 

Ata Pueina: Airport Data

Ua siitia e leoleo le puipuiga o le malae vaalele faavaomalo i Faleolo.

O le fa'atuina o se Vaega Tumau a Leoleo i totonu o le Malaeva'alele Fa'ava-o-malo i Faleolo e taua tele ona o le fa'atulagaina o fonotaga fa'ava-o-malo o lo'o fuafua e faia i Samoa, faapea ma le fa'ateleina o tagata malaga e ulufale mai i Samoa.

Fai mai le Sui Komesina o Leoleo, Papalii Monalisa Keti, o le a talimalo Samoa i le Fono a Ulu o Malo o le Taupulega.

Na ia fa’ailoa o lo’o fa’atupula’ia fo’i le aofa’i o malaga i totonu o Samoa ma e ao lava ona ave le fa’amuamua i le saogalemu o tagata malaga.

E lē gata i lea, fai mai Papalii o le a toe faaauau malaga a le Virgin Australia i Samoa.

O le taimi nei na faatuina ai le vaega a leoleo i le aso 16 o le masina nei ma e toa 7 leoleo o loo galulue i le taimi nei i lea vaega fou.

Ua iai le fuafuaga a le matagaluega e siitia le numera o leoleo o loo galulue i le vaega o leoleo i le malae vaalele i Faleolo.