MALILIU NI ALO O LE ATUNU'U, I AUSETALIA I SE FA'ALAVELAVE TAU TA'AVALE

Aperaamo Tapelu, David Gasologa, Alesana Anetele'a ma Amo Filemu.

O le vaveao ole aso Sa, sa molimauina ai le pupusa ma le talalī o se Van, i Victoria (autafa ole Mansfield-Woods Point rd i Piries, latalata i Mansfield, 220 kilomita matu-sasa'e o Meleponi).

E talitonu le ofisa leoleo, sa se'e ese le ta'avale mai le auala, ma so'aina ai se la'au, na mafua ai ona pa le afi ole taavale a'o i totonu pea tagata se'i tulou. E to'afa ni ali'i talavou na maumau o latou ola i lea fa'alavelave, ua fa'amaonia fo'i, o taulele'a samoa ia ua maliliu o Aperaamo Tapelu, David Gasologa, Alesana Anetele'a ma Amo Filemu.

Oloo faasolo pea suesuega ale ofisa leoleo, ae e talitonu na fa'asua'avā nei ali'i ile taimi na ave ai le ta'avale. O nei alo ole atunu'u sa galulue i Ausetalia i galuega fa'avaitaimi.

Tatou tatalo ma manatua alo o Samoa, oloo saili manuia i atunuu mamao ma puipuia lo latou ola i lenei vaitau o le tausaga