MANUMALO "JUNIOR MANU" OCEANIA CUP 2022

Junior Manu Samoa

Ata Pu'eina : Manu Samoa Rugby News / Facebook

Ua avea nei le 'au "Under 20" o le Junior Manu Samoa ma siamupini i le ipu o le Oceania Rugby 2022  ina ua mālo ia Toga i le 8-5 'ai o le la ta'aloga.

I le malae ta'alo o Teufaiva Stadium i Nuku'alofa na fa'atama'ia ai e Samoa le 'au a Toga i luga o ona laufanua. I se ta'aloga finau na manumalo ai Samoa i le ta'amilosaga lona 2 o le la ta'aloga ma Toga ma sola ai loa Samoa ma le ipu o lenei tausaga. 

O le vaiaso na mavae atu nei sa faiā'ina ai Samoa ia Toga i le la ta'amilosaga muamua, lea na malo ai le 'au a Toga i le 20 'ai i le 19 a Samoa. I le 'afa lona 2 o lea ta'aloga na iloga ai le finau a Toga ma tulituliloa ai loa 'ai a Samoa lea na siliga i le 19 i le 3 a Toga.

I se tu'ufa'atasiga o 'ai atoa o nei ta'amilosaga e lua na siliga ai Samoa i 'ai e 27 i le 25 a Toga. 

I se fa'atalatalanoaga na fatautaia i ala fa'asalalau i Toga na fa'ailoa mai ai e le alii ta'alo ia Calvin Fepulea'i , o le lelei tele o le fa'atinoina o le sikalamu ma le kifeni (defence) na avea ma taula o le latou manumalo.

Sa ia fa'ailoa fo'i le avea o le Toa Samoa ma nisi o mafua'aga, ua fa'amalosi'au ai le latou 'au ina ia maua se 'ai mo Samoa ma aumai le ipu. Ua avea ma se mitamitaga mo le 'au o le Junior Manu le manumalo o le Toa ia Toga ma se tulei ai ina ia latou siamupini