Sa'ili E Le Matagaluega O Aoga Finagalo O Puleaoga Ma Faiaoga

Ata Pueina: Matagaluega O Aoga

O le a sa'ilia e le Matagaluega o A'oga Ta'aloga ma Aganu'u finagalo o faia'oga ma pule a'oga i le toe fuata'iina o a'oa'oga ma le iloiloga o mata'upu o le a aoaoina i totonu o a'oga i Samoa nei ina ia mautinoa pe talafeagai ma lelei.

M.E.S.C. Chief Executive Officer, Aeau Christopher Hazelman, highlighted that the impact of the proposed changes will be felt by the people whose work will be the most affected which are staff and principal.

Na fa'aalia e le Ofisa Sili o le Matagaluega o A'oga Ta'aloga ma Aganu'u, Aeau Christopher Hazelman, o a'afiaga o suiga o lo'o fuafua o le a pa'u i luga o le au faigaluega; faia'oga ma pulea'oga.

Ole ulua'i iloiloga o mataupu a'oa'oina, e tusa ai ma le saunoaga a le Pule Sili, e fa'apitoa mo a'oga tulagalua, ona fa'aauau ai lea mo aoga maualuluga pe a mae'a ona fa'avasega mataupu ile tulaga lua.

“O le manulauti o le iloiloga o mata'upu a'oa'oina o le toe ave'ese lea o le fa'auigaga e faiaoga ma puleaoga ona o i latou ia o lo'o tele ina faatino le galuega, pe faapefea ona latou mataituina aoaoga o loo i ai nei ma fa'aupuga o loo fa'aoga pe a mana'omia ona toe iloiloina,” o le saunoaga lea a Aeau.

“O le matou tapenaga lea mo le isi tausaga fa’alea’oa’oga o lo’o lumana’i nei, o tausaga uma lava e fai ai nei iloiloga ma fa’atalanoaga e va’ava’ai ai i vaega, e tatau ona toe iloilo fa'apea ai ma isi mea."

Fai mai Aeau, o le iloiloga o se fa'atalanoaga fa'aletausaga e fa'amalosia e le Matagaluega ina ia mautinoa e le o manatu fa'atauva'a i ai le aufaigaluega ma pulea'oga.

Na ia ta’ua fo’i e fa’apea, talu ona alia'e ifo le fa'ama'i o le Koviti-19, o lo’o iai le tele o a’afiaga i le vaega o a’oa’oga, ae o le iloiloga o le a iloa ai pe iai ni suiga tetele e mana’omia ona fai.

Na ia taua fo'i o le fa'aiuga e toe iloilo ai nei suiga na iai nisi o atugaluga tetele na fa'aalia e nisi o pulea'oga.

O le tausaga e 2020 na pasia ai e le Pulega muamua e ala i se fa'ai'uga mai i le Kapeneta e fa'ata'ape Tausaga 13 i aoga uma i Samoa, ina ia mafai ai ona tuuitiitia tausaga e mafai ona a'oga ai fanau a'oga i a'oga tulaga lua mai i le fa nai lo o le lima o loo iai nei.

I le faailoaina o atugaluga na faaalia e puleaoga, na saunoa ai Aeau e faapea, o le toe iloiloina o le suiga o le a avea ma mataupu o feutagaiga ma faiaoga ma puleaoga.