To'atasi Ua Faamauina Le A'afia I Le Koviti

Moto’otua

Ata Pueina: Eyepsy Radio 87.5 FM

E na'o le to'atasi le tagata na faamaonia lona maua ai lea i le Koviti-19 e le Matagaluega o le Soifua Maloloina i le mae'a ai o le latou mata'ituina o aso e fitu aso ua mavae, o se pa'u lea mai i le iva mataupu na fa'amauina i le lipoti fa'alevaiaso talu ai.

O lea faʻaiʻuga na maua mai i le PCR ma le siaki vave o le antigen - RAT mai nofoaga uma sa faatino ai, ma o le aofa'i o numera o Koviti-19 ua faamaonia ua o'o aʻe i le 16,008.

Mai le 2pm 18 Tesema 2022 i le 2pm 25 Tesema 2022, na faʻamauina ai e le Matagaluega e iva tagata ua maua i le fa'ama'i mai i nofoaga uma sa faagasolo ai siaki a le Matagaluega.

Ae o i latou ua maua i le fa'ama'i mai faʻasalalauga a le faʻalapotopotoga na maua ia Mati i le tausaga talu ai ua oʻo atu nei i le 15,816.

Mo le mataituina o tuaoi poo borders, o lo'o taua i le ripoti e 192 mataupu na maua i le Port of Entry (POE) faavaomalo talu mai Novema 2020 e aofia ai le Malaevaalele Faava-o-malo i Faleolo ma le Uafu i Matautu ae e lei maua lava ni mataupu lata mai.

O le numera o tagata maliliu i le Koviti o loʻo tumau pea i le 29 lea na faʻamauina i le aso 20 Iuni 2022 faatasi ai ma le aofaʻi o tausaga o tagata maliliu mai le 1 tausaga i le 94 tausaga.

O le aofaʻi o tagata na maua i le Koviti na faʻatagaina i Fale Soifua Maloloina talu mai le faʻasalalau atu i nuʻu ia Mati 17, 2022 e 347 ae o le aofaʻi o mataupu na teʻa mai Fale Soifua Maloloina e 312 na faʻateʻa i le fale.

Ole aofa'i fa'aopoopo o su'ega RAT na faia ile 16/08/22 ile 02:00pm e 187,397.

Mo tui, ole taamilosaga muamua ole booster doses na faia e oo mai i le taimi nei e 79,360 ae o le lona lua booster doses ua 1,195 nei.

O le 12-17 tausaga le matutua o lo'o tumau pea i luga o siata ma le pasene o le tui muamua e sili atu i le selau pasene o le faitau aofa'i fa'atatau ae o'o atu i le 93% mo le tui lona lua.

O le 5-11 tausaga le matutua ua o'o i le selau pasene tui mo le tui muamua ma le 92 pasene mo le tui lona lua.

Ole tui ole 5-11 tausaga le matua na amata ile aso 05 o Mati, 2022 ae o le faʻaaogaina o le tui lona lua na amata ile Aperila 04, 2022.