Sauni Kelma Tuilagi E Faaipoipo Atu Ia Mikaylie Gendron

Kelma Tuilagi ma lana manamea ia Mikaylie Gendron.

Ata Pueina: Kelma Tuilagi / Facebook

Na filifilia e le sui o le Toa Samoa ia Kelma Tuilagi le faletalimalo a le Return to Paradise Resort e avea ma nofoaga lelei e fesiligia ai lana manamea ia Mikaylie Gendron e fia avea ma ona toalua faaipoipo.

O lea faamoemoe na lipotia mai e faapea sa iai "i se faatasiga patino a o siomia e ana uo, sui o le au a le Toa Samoa faapea ma e pele ia te ia."

Na faafeiloai le faletalimalo i le Pulega faapea tama taaalo o le Toa Samoa e ala i se faafiafiaga poo se po fiafia "fiafia night' e aofia ai siva afi ma faafiafiaga faasamoa na faatino e le aufaigaluega a le Return to Paradise Resort.

O ia faafiafiaga ua talafeuga lelei ma le samiina o le fesiligia ai e Kelma o le tamaitai o Mikaylie e osia le laua feagaiga e ala i le sakalameta paia o le faaipoipoga.

Na lipotia mai na  tofotofoina Mikaylie, e faatino se siva masani faa-Samoa, "faatasi ai ma Kelma sa aiuli o ia."

O Mikaylie e le o se tagata e solomuli mai i se luitau. O tausaga taitasi e faia ai le Dally M Awards, o Mikaylie o se tasi lea o tamaitai e sili ona matagofie ona laei e ofu atu i lea faamoemoe.