Sauni "Little Rina" Mai TOamua Mo Tuuga Fautasi 2023

Little Rina

Ata Pueina: Facebook / Supplied

A'o sauni atu le atunuu mo fa'agatama o le  tuugā fautasi i le masina nei , sa fa'ailoa ai e sui o le auva'a o le "Little Rina" mai le afioaga o Toamua , nisi o a latou tapenapenaga mo le faamoemoe.

O le taeao o le Aso Gafua o le vaiaso nei na faapea ona faailoa ai e sui o le auva'a o le Little Rina se tala fiafia e faatatau lea i le ma'ea ai ona fausia ma faaleleia le sa o Toamua. I lea lava aso na tuuina atu ai le latou sa mo se fa'ata'ita'iga i luga o le Gataifale o le afio'aga ma amatalia ai loa tapenapenaga ma tolegina o le 'au mo faagatama o loma nei.

Tusa ai ma le saunoaga a le alii kapeteni ia Fata Matau'aina e faapea ua nofo sauniuni nei le 'auvaa a Toamua mo le faamoemoe o loma nei , ae ua atoa nei le 14 aso talu ona filifilia alii e tauva i le tauvaga mo le masina nei.

Sa ia saunoa fo'i e le'o manatu mama le Little Rina i lenei tauvaga , ae o lo'o faamoemoe fo'i ia maua se 'ai lelei mo aiga ma le afio'aga o lo'o tu'i mai le mulipapaga. Sa faafetaia e sui o le 'auvaa ia se tino i tupe e $10,000 tala lona aofa'i sa tuuina mai e le malo o Samoa. O lenei seleni na faasafua mai mo 'auvaa uma o lo'o tausinio mo le tauvaga ma e patino lea i le fa'aleleia o sa ma meatotino o le'a faaaogaina e 'au taitasi.

O le kamupani malosi o fesootaiga o le Digicel Samoa o se tasi lea o lagolago malosi o le "Little Rina" ma o se sa ua iloga foi lona igoa i tuuga fautasi i tausaga ua mavae. O le masina o Mati lea na fuafuaina e le malo e faia ai lenei faamoemoe ae tusa ai ma le leai o ni au lesitala lea na toe tolopoina mai ai i le masina nei o Me.

Ua fa'amatuu mai nei e le komiti le lisi o'i o 'au o le'a tauva mo lenei tuuga fautasi lea ua iai Don Bosco , Tolotolo o le Tamauli , Telefoni o Vainuu , Segavao faatasi ai ma le Little Rina.