Tapunia Aoga Mo Le Vaiaso Nei Ona O Le Fa'amai FLU

Ata Pueina: Anetone Sagaga / EyeSpy Radio

E tusa ai ma le pipisi tele o le fa'amai fulū i totonu o Samoa , ua fautuaina ai nei e le Ofisa o 'Aoga le tapunia ai pea o ā'oga uma o le atunu'u mo le vaiaso nei se'ia iai ni foliga fa'aitiitia o le fa'ama'i. 

I se fa'asalalauga na tuuina i luga o Upega Tafa'ilagi poo le Facebook , sa fa'ailoaina ai e le Matagaluega o A'oga Taaloga ma Aganuu suiga o le'ā feagai ma fanau aoga uma , lea ua fa'aaopopo ai le vaiaso nei i ō latou tuu'aga masani e lua vaiaso.

Saunoa le alii Pule Sili i'ā Aeau Chris Hazelman i le vaiaso na mavae atu nei , faapea o lo'o faatino pea le galuega galulue o faiā'oga i le a'oa'oina lea o fanau ā'oga , e ala lea i auala fa'atekenolosi (technology) pei o upega tafailagi , televise ma auala o feso'otaiga. 

O lo'o aofia uma ā'oga o Samoa i lenei fa'atonuga mai le Ofisa , e pei o ā'oga tulaga lua , kolisi a le malo ma ekalesia , faatasi ai ma aoga amata. 

O nei gaioiga uma sa faataunuu ona o lipoti sa tuuina mai e le Ofisa o Soifua Maloloina lea e faapea i le siitia o fuainumera o tagata o loo aafia i le fa'amai o le fulū. Tusa ai ma nei faasalalauga sa a'e ai se tofa i le Pule Sili ia Aeau ina ia tapunia aoga mo le vaiaso nei.