To'a 18 Pagota Ua Talia A Latou Talosaga Mo Le Palola

Falepuipui I Tanumalala

Ata Pueina: Eyespy Radio 87.5 FM

E to’a 18 pagota ua tatala i tua ina ua mae’a ona iloilo ma talia e le Komiti o le Palola ia a latou talosaga mo le palola i le fa'aiuga o le tausaga na te’a nei.

Na fa’amaonia mai e le Komesina o Leoleo ia Auapa'au Logoitino Filipo i se faatalatalanoaga ma le leitio a le Eyespy e fa’apea, e to'a 80 le aofa’iga o talosaga mo le palola na maua e le Komiti o le Palola, ae na o le 18 o ia talosaga na taliaina.

Mai le to’a 18 o i latou na talia a latou talosaga mo le palola, e to’a 2 o tama’ita’i ae o le isi vaega o ali’i.

O i latou uma ia e 18 na talia a latou talosaga mo le palola ua uma ona tuli le afa o a latou faasalaga i le to'ese, ma o nisi o soligatulafono na molia ai i latou e aofia ai nisi o soligatulafono matuiā.

Na fa’ailoa fo’i e le Sui Komesina o Leoleo ia Papalii Monalisa Tiai-Keti i le leitio a le Eyesy e fa’apea, o le au palola e to’a 18 na tatala i tua i le fa’ai’uga o le tausaga na te’a nei ma o le a fa’aauau pea ona mataituina e le Matagaluega i latou uma.

Fa'aalia e Papalii, e tele itu sa iloiloina e le Komiti o le Palola, e aofia ai le a'afiaga o le fa'asa'olotoina o nei pagota i le saogalemu o tagata lautele, sueina o nisi o polokalame o loo avanoa mo nei pagota, o le salamo moni o i latou ua solitulafono, o le lagolagoina o i latou ua aafia, faapea le faaleleiga ma le talafeagai o fale e tu'uina atu e nofovaavaaia ai i latou, o ia mea uma e mautinoa ai le toe fa'afouina lelei o le tagata nofosala pe a fa'atagaina mo le tatalaina i lalo o le vaavaaiga o le palola.

O le Komiti o le Palola e aofia ai le Faamasino o le Faamasinoga Maualuga Niava Mata Tuatagaloa o ia foi o le Taitaifono o le Komiti Faafoe, o le Sui Pule Sili o le Matagaluega o Faamasinoga ma Pulega Tau Faamasinoga, o le Komesina o Leoleo ma Falepuipui, o le Loia Sili, faapea foi ma se tasi Faifeau o le Ekalesia Fa'alapotopotoga Kerisiano o Samoa (E.F.K.S).

Na taua atili e le Sui Komesina o Leoleo e fa’apea, e to’a 152 pagota na mafai ona fa’atagaina i le palola fa’apitoa i le aso Kerisimasi, ma e to’a 165 pagota na mafai ona mafuta ma o latou aiga i le aso o le tausaga fou.

O pagota uma na tatala fa’apitoa i le palola i le vaitau o aso malolo, ua toe fo’i i tua i le toese i Tanumalala e va’ava’ai i isi vaega o totoe o a latou fa