Toa Fa Alo o Samoa Tausiniō Mo Le Oceania Relay 2023 i Ausetalia

E to'a fa ni alo talavou o Samoa ua faimalaga atu nei mo le ta'amilosaga afeleti o le 4x100m relay i le Oceania,lea o le'ā fa'atautaia i le masina nei i totonu o Gold Coast i Ausetalia. 

E lua aso o lo'o fuafuaina e fa'agasolo ai lenei tauvaga tele, o le aso 6th ma le aso 7th o le masina nei o Me. E tusa ai ma faasalalauga a le Ofisa o Ta'aloga i Samoa e faapea o i latou nei ua filifilia e fai ma sui o le 'au a Samoa ua ausia ni tulaga maualuluga e tusa ai ma tapenapenaga ma tolegina sa faia. 

Ua faailoa mai nei suafa o'i latou o le'ā tausinio mo lenei fa'agatama o le Relay mo le tu'uga fu'a o afeleti o lenei tausaga 2023. 

O le alii kapeteni ia Kolone Peter Alefosio mai Vaoala o lo'o tumua ai nei le ta'ita'iga o le 'au a Samoa , faatasi ai ma sui ta'aalo ia

Johnny Key (Lepea)

Livingstone Savaiinaea (Siusega)

John Lameko

Saunoa le alii faiā'oga ia Ah Chong Sam Chong i le lava sauni o tapenapenaga o nei alo o Samoa , ma o loo faamoemoe ina ia i'u manuia le taumafaiga o alo ma fanau ina ia saofagā atu mo le taamilosaga o le lalolagi (World Replays).

O lo'o fautuaina e le asosi le mamalu o tagata Samoa o lo'o aumau i Gold Coast i Ausetalia e aga'i ifo i le malae ta'alo o le Kolisi o Somerset ina ia tapuā'ia taumafaiga o alo ma fanau Samoa. O loo faaauau pea toleniga ma sauniuniga mo leisi lua aso aua faiva o le Olympic Relay.

(L-R) Livingstone Savaiinaea , Johnny Key , Kolone Peter Alefosio (c) and John Lameko.

Photo By: Supplied / Eyespy Radio Station.