Tulaga 5 Samoa I Le Ta'amilosaga Taitoafitu I Los Angeles

Photo: HSBC SEVENS

O le fa'aiuga o le vaiaso ua tuana'i na amata fa'agasolo ai le vae lona 8 o le Ta'amilosaga Taitoafitu o le Lalolagi (World Sevens Series) i totonu o Los Angeles i Amerika.

Na manumalo le au a le atunuu i ana taaloga e tolu amata ma Amerika, Chile, ma Niu Sila.

Peitai, e lei manuia le taaloga quarterfinal mo le Ipu Autu a le Manu ma le au a Argentina lea na faiaina ai e 19 - 12.

O lea na see atu ai loa Samoa mo le semifinal o le tulaga lima o le vae i Los Angeles ma Aferika i Saute.

Na iloga ona kirikiti le Manu i lea taaloga, ma e mae'a ifo le taimi o Samoa 45 ile 5 a Aferika i Saute.

O le sailiga o le tulaga 5 na taaalo ai Samoa ma le au a Peretania lea o lo'o filifilia mai i Sikotilani, Uelese ma Egelani.

O se taaloga na va'aia ai le malosi o le osofaiga a le Manu i le afa muamua. Peitai e lei faavaivai ai Peretania, ma e mae'a le 14 minute o tutusa ai e tai 19a faaopoopo ai loa le taimi e sue poo ai le au ole a sikoa muamua ma manumalo i le tu lima.

Na sikoa Samoa mai i le ali'i o Faafoi Falaniko ma tulaga lima ai loa Samoa i le vae i Los Angeles.

O le taimi nei ua tulaga 5 Samoa i le tuufaatasiga o ai, ma o se taimi o le aso o le a faalauiloa mai ai pulu mo le taamilosaga i Vancouver Lea e faatautaia i le fa'aiuga o le vaiaso nei.